கோவிட் தொற்றுநோயைக் கட்டுப்படுத்த வேலை செய்யும் நாங்கள், சுகாதாரப் பணியாளர்களாக நமது வாழ்நாளின் மிகப்பெரிய சவாலை எதிர்கொண்டுள்ளோம்.கோவிட் தொற்று நோயால் எங்களுக்கும் எங்கள் குடும்பங்களுக்கும் ஏற்படும் ஆபத்து முன்னெப்போதும் இல்லாத சவாலாக மாறியுள்ளது.

அதே நேரத்தில், அதிகரித்து வரும் நோயாளிகளின் எண்ணிக்கை, இறப்புஎண்ணிக்கை மற்றும் வரையறுக்கப்பட்ட வளங்கள் (கிடைக்கக்கூடிய குறைந்த எண்ணிக்கையிலான வசதிகள்) ஆகியவற்றால் சவால்பன்மடங்காக அதிகரிக்கிறது.

ஆனால், ஒரு தேசமாகவும், சுகாதார சேவையாகவும் நாம் கடந்த காலத்தில் எங்கள் வழியில் வந்த ஒவ்வொரு சவாலையும் வெற்றிகரமாக எதிர்கொண்டுள்ளோம்.தெற்காசியாவில் சிறந்த சுகாதார சேவைகளில் ஒன்றாக இலங்கை எப்போதும் மதிக்கப்படுகிறது என்பதை நாம் அறிவோம்,அதற்கு காரணம் எங்களிடம் என்றும் உள்ள சேவைக்கான அர்ப்பணிப்பும், தைரியமாக சவால்களுக்கு முகம்கொடுக்கும்  திறனுமாகும்.

நாம் ஓய்வு இல்லாமல் பல மாதங்கள் இத்தகைய சவாலான வேலையைத் தொடரும்போது, இதன் விளைவாக நமது மன மற்றும் உடல் ஆரோக்கியம் பாதிப்பு அடைவதற்கான வாய்ப்பு அதிகம்.நமது ஆரோக்கியம் பாதிக்கப்பட்டால், எங்களால் நோயாளிகளுக்கு தரமான சேவையை வழங்குவதில் பிரச்சினைகள் ஏற்படும்.(.)

எனவே, வேலை நேரம் மற்றும் வேலை செய்யாத நேரங்களில் மனதை அமைதிப்படுத்தும் நடவடிக்கைகளில் ஈடுபடுங்கள். (உதா- இசை கேட்பது – சில நேரங்களில் பணியில் இருக்கும்போது, உடற்பயிற்சியில் ஈடுபடுவது, தனது  அல்லது தனது அன்பிற்குரியவர்களின் நோய்களை சரியான முறைகளில் கவனித்துக்கொள்வது).

நோயாளியின்பராமரிப்பில் நமது கடமைகள் குறித்து நேர்மறையான கண்ணோட்டத்தைக் கொண்டிருப்பது நம்முள் நம்பிக்கையையும்  நேர்மறையான உணர்ச்சிகளை தொடரவும்உதவும், இது பின்னர் நேர்மறையான செயல்களுக்கு வழிவகுக்கும்.உதாரணமாக,“நான் எனது வேலையை எனது திறனுக்கு ஏற்றவாறு செய்கிறேன்“( “ஓ கடவுளே, வீட்டிற்கு செல்ல இன்னும் எத்தனை மணி நேரம் ஆகும்?”போன்ற எதிர்மறையான எண்ணங்களுக்குப் பதிலாக).மேலும்,நோயாளிகளுடன் நட்பான முறையில் பேசுவதும் அவர்களின் தேவைகளைப் பூர்த்தி செய்வதும் நேர்மறையான நடவடிக்கைகளுக்கான  உதாரணங்களாகும்.நேர்மறையான கண்ணோட்டத்தில் இருப்பது வேலையில் மன அழுத்தத்தை குறைக்கும் என்று மருத்துவ ஆராய்ச்சி காட்டுகிறது.

மேலும், செய்திகளைப் பார்ப்பது போன்ற விஷயங்கள் பெரும்பாலும் நம் மனதை தொடர்ந்து எதிர்மறையான விஷயங்களுக்குத் திரும்பச் செய்யும்.எனவே, செய்தி பார்ப்பதை ஒரு நாளைக்கு அரை மணி நேரத்திற்கு கட்டுப்படுத்துவது நல்லது.

இவை அனைத்தையும் மீறி, நம்மால்மன அழுத்தத்தையும் பதட்டத்தையும் கட்டுப்படுத்துவதற்கு முடியாத  நேரங்கள் நிறையவே உண்டு. இது ஒரு பலவீனம் அல்ல. மாறாக , உங்கள் சிறந்த நிலையை (சிறந்த வடிவத்தை ) அடைவதற்கு உங்களுக்கு சிறு உதவி தேவை என்பதற்கான அறிகுறியாகும்.இத்தகைய கடினமான சூழ்நிலைகளில் ஒரு மனநல சிகிச்சை நிலையத்திற்கு செல்வது மிகவும் முக்கியம்.இந்தசிகிச்சை நிலையங்களில் பலவிதமான சிகிச்சை முறைகள் வழங்கப்படுகின்றன.ஆலோசனைகளில் கலந்து கொள்ளவும், நட்பான  கலந்துரையாடல்  மூலம்  உணர்ச்சிகளை  வெளிப்படுத்தவும் முடியும். தேவை  ஏற்படின்  மருந்து வகைகளும்   நியமிக்கப்படலாம்.உதவியை நாடுவதில்சங்கடப்படுவதற்கு எதுவும் இல்லை.உண்மையில், உங்களுக்கு உதவி தேவைப்படும்போது தெரிந்து கொள்வதற்கான உங்கள் பலத்தையும், உதவி கோருவதில் உங்கள் தைரியத்தையும் இது காட்டுகிறது.மனிதர்களாகிய நம் அனைவருக்கும் மூளை இருக்கிறது.மனம் என்பது மூளையின் வெளிப்பாடாகும். அதனால்  மனிதர்களாகிய  எம்  அனைவருக்கும் மனப்பிரச்சினைகள்  அல்லது  மனநோய்கள் ஏற்றப்படக்கூடிய  வாய்ப்பு  உண்டு .